TALATAH  BASARAH

1. Sangku

2. Behas

3. Dandang Tingang

4. Sipa [Giling Pinang]

5. Ruku [Rukun Tarahan]

6. Bulau Pungkal Raja [Duit Singah Hambaran /Sangku

7. Behas Hambaruan ije kabungkus

8. Undus Tanak huang kasa

9. Tampung Tawar huang galas hayak atun danum,inyampur umba minyak  harum.

10. Parapen, atun barah apui.

11. Garu,Manyan,Dupa.

12. Benang Lapik Sangku

13.Tanteluh manuk manta ije kabawak

14. Kambang sukup macam

SUSUNAN BASARAH

1. Manggaru Manyan Sangku Tambak Raja

2. Do,a Tamparan Basarah

3. Kandayu Manyarah Sangku Tambak Raja

4. Mambaca pampeteh Ranying Hatalla Langit huang Buku Panaturan.

5. Kandayu Mantang Kayu Erang

6. Mandehen pampeteh Ranying Hatalla Langit

7. Kandayu Parawei

8. Do,a Kahapus Basarah

9. Mambuwur Hambaruan,mamantis undus,manampung tawar, tuntang muhus  tanteluh manuk akan hapa manyaki mamalas,tau kia impahinje huang tampung tawar.

MANGGARU  SANGKU  TAMBAK  RAJA

Nggaru manyangku panatau Sangku Tambak Raja, ije bahalap basuang behas manyangen tingang, bahalap ingarambang hapan giling pinang,hambalat rukun tarahan, basingah bulau pungkal Raja, rabia tisik tambun, neras hapan bulau hambaruan ije bungkus bungkusan timpung, hayak maluhing Dandang Tingang ije kadandang, mangat hai pahalingei, datuh pahalingai, inyarah ekei hajamban auh basarah ekei, akan Ranying Hatalla Langit, parapah baratuyang hawun, hapan ekei balaku asi belum,palakuan awat maharing, umba bitim Raja ije hai kuasam belum, mangat kare kahandak ekei uras tau manjadi tumun gawim, ije jadi manjadian sahapus Pantai Danum Kalunen tuh hemben huran, huang aram tuntang kuasam ekei balaku, Sahey.

DO,A  TAMPARAN  BASARAH

Ikei mangaku tuntang percaya.

- Ranying Hatalla Langit Katamparan

- Langit Katambuan

- Petak Tapajakan

- Nyalung Kapanduan

- Kalata Padadukan

-          Hayak i-nanjuriku bahing ganan tandakku balua bulau pantar tatah, nantekei santin karunyangku, bahanjung rabia sandurin guntum

-          Bahi-bahing panganak andau, bambahingan panyandai bulan,ganan tandakku malan balua parung hai malabehu benteng bahanjung siru datuh barantau ruange

-          Eleh kilat basangkelang dawen pinang sarayung lewu, liu basampale bumbung katilambung nyahu, nyandar sala lalangae lawin tambum pamalangkan pantar, nipas liwus tampajahe ihing sanggaran burung dahiang

-          Ganan tandakku, palus malan nyalumbu ambun tilap telu puluh, nanjung mampan enun lime balas hatalamping, eleh tapuk panjungan manjung, murik panjungan manjung, halawu Tasik Ambun Baragantung Langit

-          Ganan tandakku palus murik pamahimping langit, nanjak pamaramban hawun, are batang danum nanjung inangkalau dia batandak panjang, ganan tandakku palus tapuk Tasik Malambung Bulau, harende Laut Bapatah Hintan, eleh Babalang lenda-lendang Balai Bulau Napatah Hintan, Balai Hintan Napatah Bulau Sali padadusan Ranying Hatalla Langit Tuhan Tambing Kabunteran Bulan Raja Tuntung Matan Andau

-          Ganan Tandakku palus nyelem Balai Bulau Napatah Hintan, Balai Hintan Napatah Bulau, hayak kangkarungut bahing Ganan Tandakku malawu rawei.

-          Iyoh Tingang Tatu Ranying Hatalla Langit, nduan hembekan katun ikei tingang Esum Pantai Danum Kalunen ambun andau / alem etuh, jadi tingang kampeleng renteng, tambun hapampungan lingkat mijen Balai / Parung hai malabehu bentenge Bagantung lewu............tuh.

-          Mangat bitim nyantah bulau rantuan tanduk, nangkilik ikei Tingang esum Pantai danum Kalunen,hayak narui akan ikei kayun penyang karuhei tatau, sandik paturung sangkalemu raja, mangat ikei tau jatha tuntung batuah, hatalla jawan balambit.

-          Akam kea mujan akan ikei panyalembang untek,panarang atei, parentas rawei, paharus jalan, parajang tutur, mangat ikei tau akan tanggeran lewu mandereh danum, tangkilik rundung hapamantai tambun, belum tatau sanang, ureh ngalawan.

-          Narui akan ikei sangka tatamba,tangkalasan bara kare peres baratus gangguran arae,sampar baribu sasabutan bitie, mangejau ikei bara kasingen lewu mandereh danum, kahirin rundung hapamantai tambun.

-          Mujan mijen panatau Sangku tambak Raja, ije ngarambang hapan giling pinang hambalat rukun tarahan, hayak basingah bulau pungkal raja, rabia tasik tambun.

-          Mujan nyelem behas bungkusan timpung, mangat hariten halawu benteng, barintih nduan upun tundui, habuen kilau kahang duhung, barintih baun pinggan sambung.

-          Dia panjang riwut rawei-ku tingang tatu, basa bitim ije uras handung hakatawan ampin karangkan lingun ikei tingang esum Pantai Danum Kalunen, bitim puna Raja  kuasa mahunjun bara kare Raja awang beken, kuasam jatun bara tikas kuasa.

-          Palus nggatang nangkaruan tambange Ganan Tandakku balua Balai Bulau Napatah Hintan, bahanjung Balai Hintan Napatah Bulau, gandang halalian buli palus masuh pamahimping langit, ngasuhan pamaramban hewun, eleh tapuk Tasik Ambun Baragantung Langit,Laut Enun Baratuyang Hawun.

-          Dia batandak panjang Ganan Tandak-ku malungkah Tasik Ambun Baragantung Langit, eleh tapuk Panjungan Manjung, palus masuh pantang tuyang ambun tilap telu puluh kajang Pantai Danum Kalunen Eleh babalang lenda-lendang Balai/parung hai malabehu benteng palus nyelem Balai/Parung hai malabehu benteng nanturung kapanatau Sangku Tambak Raja ije bagantung bentuk labehun parung, Hayak mujan penyang karuhei tatau panengan Ranying Hatalla Langit mijen Sangku Tambak Raja

-          Buli tinai Ganan Tandak-ku nyelem Bulau Pantar Tatah, nyuruk Rabia Sandurin Guntum, buli kilau junjun helu, mulang patuk panambalun tambun hayak umba penyang karuhei tatau, umur panjang,

-          Kuruk hambaruan  ikei buli, kuruk hambaruan ikei buli, kuruk hambaruan ikei buli,.........Sahiy.

DO’A  KAHAPUS  BASARAH

-          Nanjuri-ku tinai Bahing Ganan Tandak-ku balua-bulau pantar tatah nantikei Santin karunyangku bahanjung rabia sandurin guntum, palus mating Nangkaruan tambange, halawu bentuk labehun parung, nyanda-nyandar Kapanatau sangku tambak raja, palus nyaluh asep garu bulan jadi Lasang Liu Bulau Daren Tanggui, akan lasang Ganan Tandak-ku antang manamuei.

-          Hayak nasaran tambang Ganan Tandak-ku lompat Lasang Liu Bulau Daren Tanggui palus nggatanng riarae gantu-gantung balua Balai/Parung hai malabehu bentenge, nunjung taribange, kilau anak burung tingang, mangkat Pangasiring ruwan bawin antang langit.

-          Eleh kilat basangkelang dawen pinang sarayung lewu, liu basampale nyarak bumbung katilambung nyahu, nyandar sala lalangae lawin tambun pamalangkan pantar, nipas liwus tampajahe ihing sanggaran burung dahiang.

-          Ganan Tandak-ku mahalau pukung pahewan antang, malangkawet ruang labehun jatha, are batanjung luwuk nanjung inangkalau, kutuh pain bukit panjang puruk batu ambu mapan malangkawet, uras dia batandak panjang, eleh babalang lenda-lendang Balai Karamat Raja ain Raja Tunggal Sangumang.

-          Jadi tukep nanturung, dani nyahendeng Ganan Tandak-ku palus tingang tende lunuk, ninggang Balai Karamat Raja hayak nyelem Balai Karamat Raja, andau-andau kea uluh tinggang tatu-ku Raja Tunggal Sangumang melai kilau melai Bulan palin langit, ruwan maleleng tehun lauk ranying manjuhan.

-          Palus panti-panting bahing Ganan Tandak-ku malawu rawei nduan hambekan katun ikei tingang esum jadi are tingang bakampeleng rentenge mijen bentuk labehun Balai / Parung, bagantung lewu............, nantuajar lingu nalatai, malalus pumpung basarah.

-          Balaku bitim tingang tatu akan ikei tingang esum kare kayun penyang karuhei tatau, tuah rajeki, umur panjang, batu sapaunggut belum, narui kea kare tangkalasan kasingen lewu mandareh danum, kahirin rundung hapamantai tambun.

-          Mangat ikei tingang esum tau belum jatha tuntung batuah, haring Hatalla jawan balambit, tau akan tangeran lewu mandereh danum, tangkilik rundung hapamantai tambun, belum tatau mayambung, ureh ngalawan.

-          Eleh kumin tingang dia lunuk ngarangka, hirum tambun isen baras ngalimbang Raja Tunggal Sangumang palus hajalukan kare kayun karuhei, kayu angkat, kayu kilat, kayu Gatang, kayu Manang, kayu Naing, kayu Namang, kayu Juju, kayu Juah, kajunjung Bulau Sangkalemu, Kanaruhung Bulau Sangkalemu.

-          Tambang jari Ganan Tandak-ku kare kayun karuhei bara Raja Tunggal Sangumang, hayak nasaran tambang gelang bulau nyelem Lasang Liu Bulau Daren Tanggui, palus tingang nulak lunuk gandang halalian buli nunjung taribangae mahalau pukung pahewan antang, malangkawet ruang labehun Jatha sambil batambang salumpuk antang, kuruk bara kuruk kilau nambawa manuk darung tingang, kuriu bara kuriu, tingkah nangkiau riwut burung buli.

-          Dia batandak panjang Ganan Tandak-ku are eka uras nanjung inangkalau, eleh babalang lenda-lendang Balai / Parung hai malambehu bentenge hayak tingang tende lunuk nyelem Balai / Parung palus nanturung kapanatau sangku tambak raja ije bagantung bentuk labehun parung hayak mujan kare kayun karuhei, bulau hambaruan mijen behas hambaruan mangat hariten halawu benteng, barintih nduan tundue.

-          Tutuk jadi Ganan Tandak-ku halalian tinai Lasang Liu Bualau Daren Tanggui, buli asep garu bulan kilau junjun helu, Ganan Tandak-ku palus buli nyelem bulau pantar tatah, nyuruk rabia sandurin guntum, buli kilau junjun helu, mulang patuk panambalun tambun, kuruk hambaruan ikei buli, kuruk hambaruan ikei buli, kuruk hambaruan ikei buli,.... Sahiy.

KANDAYU MANYARAH SANGKU TAMBAK RAJA

1.   Sangku tambak hai pahalendang

Basuang behas manyangen tingang

Rukun tarahan giling pinang

Inihang luhing dandang tingang.

2.     Sangku tambak hai baguna

Inyarah bentuk Balai paseban raja

Taharep ulun bakas tabela

Manumun peteh Ranying Hatalla

3. Sangku jetuh basuang behas

Pambelum inyarah dia bara tikas

Umba Hatala ilaku ka-abas

Hambaruan salamat bereng barigas

4. Hetuh itah uras manyaksi

Ranying Hatalla te puna ati biti

Bereng daha tuntang isi

Bakas tabela hatue bawi

5. Hetuh itah manyarah sangku

Panungkup utus Raja Bunu

Tutuh Kameluh Balimut Batu

Peteh hajamban ije Raja uju

6. Hatalla nangkilik Jatha nanggera

Narui peteh sangga tatamba

Nyalupu sangku je tambak raja

Akan Kaharingan sahapus dunia

7. Sangku inyarah manumun peteh

Uka itah tau uras menteng ureh

Aluh utus ije kue-kueh

Bereng barigas kahaban keleh

8. Itah manyarah dia malayan

Umba Hatalla ije katamparan

Uka manenga Nyalung Kaharingan

Ingkes intu behas Hambaruan

9. Sangku inyarah je intu baun

Sangku impunduk intu hunjun

Narai ilaku inenga dinun

Tuah rajeki je uras atun

10. Sangku inyarah puna bagulung

Behas imintih bangkusan timpung

Panyalumpuk entang penyang hatampung

Sama belum tatau manyambung

11. Sangku inyarah kalutuh helu

Imapui manyan sangku inggaru

Lampang ewau je mangat tutu

Mukei kuasan je Raja Uju

12. Hetuh itah je sama mite

Intu bentuk je biti are

Behas i-mintih hariten pire

Jetuh panenga te tutu tege

13. Hetuh itah je uras mingat

Pasin Hatalla batang salamat

Auh narai bewei kahimat

Gawi menjadi hanyak imberkat

14. Pasin Hatalla jadi inarang

Cuba irima tuntang ingumang

Bara tamparae sapanja-panjang

Bakandung behas manyangen tingang

15. Hetuh itah uras katawan

Bentuk ungkup utus babuhan

Lunas helu tege kalampangan

Janji Hatalla tantahian huran

16. Itah kaharingan laku imberkat

Raying Hatalla atun nampaingat

Keleh utus mamparahan kabulat

Belum batuah bereng salamat.

17. Hajamban jetuh bulau mandurut

Tatean riwut bahing karungut

Peteh hajamban Nyai Inai Mangut

Parit balanga je runjan riwut.

18. Balanga bulau je rujan riwut

Turus panatau ain Inai Mangut

Nusang pahayak ambun hadurut

Eweh katawae tatau basewut.

19. Sarah sangku tikas tuh bewei

Basarah penyang itah hinje simpei

Mamparahan ampin kabulat atei

Kaharingan belumpenyang karuhei.

20. Sangku inyarah umba Hatalla

Kahimat itah bakas tabela

Tuah rajaki utus babala

Umur panjang belum baguna.

21. Hetuh itah basarah bulat

Hinje atei tiruk pampakat

Manintu Hatalla eka kahimat

Bereng baringas itah salamat.

KANDAYU MANTANG KAYU ERANG

1. Atei itah harajur mangenang

Maniruk auh te sapanja-panjang

Auh lunas jalam malempang

Panamuei Randung Banama Tingang

2. Banama mamuat paramun gawi

Ije mahin dia ati balihi

Tarantang garu due puluh ije biti

Puat Banama te sapanjadi.

3. Banama tanggar te dia tiling

Itah samandiai uras mahining

Palus inulak auh bataling

Raja ngaragan je Balai Mihing.

4. Tulak Banama kitar gantau

Naharep mantan je andau tumbu

Panamuei Banama gulung paharu

Umba kakare taluh ije inggau

5. Auh kandayu sasar basikap

Banama mahalau ambun tantilap

Panjungan manjung inuju ancap

Lawang haselan Kalawet batatap.

6. Manjung i-urik dia narusan

Tende balaku sawang kaharingan

Tihang Banama murik jalayan

Namuei danum Tatau nyahukan.

7. Tamuei Banama paham bagulung

Dia nyarita je luwuk tanjung

Banama Tingang palus parantung

Tende lewu bukit ambun bagantung

8. Banama Tingang je palus tende

Mantir mantang je Rahan Dare

Putir santang ewen hanyahe

Raja Kameluh bawi hatue.

9. Mantir mansanan ampin jalanae

Untung rajaki inenga akae

Lilis lamiang hapan manduae

Bakam batu eka nyarangae.

10. Gawin mantir te uras jadi

Limbah balaku ewen nanjuri

Lumpat Banama i-engkak tali

Banama haguet dia bahali.

11. Tamuei Banama dia bambilit

Nanturung tumbang je lawang langit

Raja tantilap je utus rihit

Asun Bulan manjijit huit.

12. Lawang langit haluan Banama

Jamban Sangiang Mantir balua

Bukit Masuluh Bintap Tatawa

Tende Lewu Bukit Tambak Raja.

13. Ampin tamuei Banama Bagulung

Tende nyambau je rahan Timpung

Uluh are rata hapumpung

Ungkup babuhan laut Mangantung.

14. Handue raja mendeng nanjuri

Rahan Timpung umba nyai siti

Umur panjang tuah rajaki

Banama batulak Rahui ngamburi.

15. Banama namuei je hararahan

Murik tumbang je kasabahan

Burung metu macam bakuyam

Lauk bilis Ranying Manjuhan.

16. Panamuei Banama dia panjang

Murik Pantai Danum Sangiang

Raja tatau je labih sanang

Mina bulau telu karung kajang.

17.  Tende Banama hete nanjulu

Raja Mantir mendeng balaku

Umba Raja je Burung Baru

Takar gantang inenga telu.

18.  Banama namuei hai pahalendang

Mantir mandulang untung aseng panjang

Murik Pantai Danum Sangiang

Sembang tumbang ulang Hagandang.

19.  Labehu eka Tambun Baputi

Talagan tuah talagan rajaki

Akan gagenep uluh ije ati

Bakas tabela hatue bawi.

20. Tamuei nyandar Randung Banama

Mamuat Balai Lambang Palangka

Eleh kakanderang jadi hakaja

Umba panatau je Tingang Rangga.

21. Mantir mendeng palus hagatang

Mahining auh kanderang tingang

Harandue Raja mambuka lumpang

Sarangan bulau untung aseng panjang

22. Banama miar je jala-jalan

Murik Batang Danum Jalayan

Pahalendang Lewu te palus gitan

Bagare kaleka je Batu Nindan.

23. Banama sembang kaleka lewu

Bua are sukup macam baribu

Gagenep batang masak manuru

Teras Sawang salanja sanselu.

24. Mantir marentah tarantang garu

Lumpat maname je huma ungku

Sapala namuei uras ilaku

Behas jite ije paham perlu.

25. Bihis-bihisa tarantang garu

Mimbit tintue sama baramu

Babaran garing karungan metu

Manuk bawui je lakang buku.

26. Bagantung banama tende batahan

Manunggu masak bari panginan

Teras Sawang Entang pakanan

Ganan Luyang bawin balian.

27. Raja mantir haguet manyampan

Bahata tambak tuntang panginan

Pahayak balai Sarin Kambungan

Akan likut kaleka Batu Nindan.

28. Raja dumah puat sadia

Uluh lewu due uras umba

Babaran Garing imuat kea

Apar Dulang landai parada.

29. Lasang dumah hai pahalendang

Mantir mampandui Salumpuk Entang

Intu talagan Untung aseng Panjang

Rajaki tuah belum tatau sanang.

30. Mantir dumah mendeng nanjuri

Lewun tamparan uluh tuh ati

Raja Kameluh je Putir Nyai

Raja Uju Kanaruhan Basakati.

31. Limban Raja mendeng mujan

Salumpuk mandui Nyalung Kaharingan

Teras Sawang laluh ngaragan

Jamban injijit i-halalian.

32. Banama batulak ampi jadi

Batu Nindan jadi i-lihi

Hayak auh paham karami

Tapuk Tasik Ngantung Santagi.

33. Panamuei Banama dia kejau

Mahalau Tasik Rampang Mantan Andau

Are eka ije i-halau

Sembang Banama huang ije pulau.

34. Hining itah je bara bahut

Kinjap uluh tau manyewut

Banama namuei dia maliut

Jete bagare pulau Karungut.

35. Murik Danum Barirai parantung

Mahalau Lewu Bukit Batengkung

Buntut Nusa Bukit Lambayung

Tarusan kumpang tame bagulung.

36. Banama tapuk Danum Jalayan

Batang Danum menteng bajaman

Bukit Sua tintun tujuan

Tende Banama tekap Malayan.

37. Hangkalime Mantir nanjuri magun

Umba Raja Rawing Tempun Telun

Tuntang Kameluh Tempun Tiawun

Taluh inggau uras atun dinun.

38. Jadi nanjuri haguet Banama

Rawing Tempun Telun mahin umba

Murik nalatai kare lewun Raja

Tarusan paruru Barantai i- huru kea.

39. Tapuk Batang Danum Sangkalila

Danum tatau je baranuha

Tengan awi Ranying Hatalla

Tende Lewu Bukit Kasinta Raja.

40. Sembang Bukit Sinta Kasambuyan

Mantir lumpat je Rahan Runjan

Panamuei Jalanae uras insanan

Sangomang lentar rata katawan.

41. Bukit Sinta jadi i-nggawi

Banama inulak mujan kea jadi

Murik Tarusan Nyalung Nantiri

Manyundau Tamparan je itah ati.

42. Tamuei Banama kejau ingguang

Tapuk tasik Riak Mihing Sambang

Nyamah manelak Baner Sangkuang

Simpei Karuhei Kaleka huang.

43. Murik Danum Simpei karuhei

Danum hasahep penyang karuhei

Lasang Timpung nyahaman Bewei

Hapan Mantir Nangkaje rawei.

44. Dumah Mantir nyampan jalanae

Supun Untung Lamiang induae

Entang Tingang tintun tujuae

Bakam Batu eka nyarangae.

45. Banama haguet murik laju

Eleh tapuk Tasik Sangkalemu

Pahalendang Banama bahalap tutu

Raja ngaragae je ewen telu.

46. Haluan Banama Sangomang bahut

Le manelak je Rasau Kaput

Hayak Tarusan Ambun Hadurut

Tatau nyahukan tasik basewut.

47. Ampin Banama jalanae rangkah

Banama Tapuk Tasik Manuah

Sangomang haluan je-japan tatah

Lampanh ije kabawak Kandarah.

48. Pantar Nyalung Bukit Batu jadi gitan

 Raja telu uras jadi katawan

Nuntung garu mamapui Manyan

Murik Batang Danum Bapantis Runjan

49. Mahalau Bukit ije are tutu

Hakayun Penyang je Sangkalemu

Uju Bukit ije batantu

Banama tende huang laut lewu.

50. Bukit uju je baratingang

Banama tende huang laut batang

Mantir balua jamban ingancang

Manarui jalanae Banama Tingang.

51. Janjulanan Banama namuei

Ije-inggau uras tege bewei

Bungai langit Raja Manyamei

Tende Bukit Tampung Karuhei.

52. Bara hete Banama batulak

Limbah dinun kare kahandak

Umba bapae raja hakutak

Indue inyundau tamparae sulak.

53. Banama tulak tame tarusan

Tapuk Batang Danum Letai Rujan

Panamuei hindai tau Malayan

Tende Banama nyambau Rahan

54. Rahan Kameluh Nyai Inai Mangut

Nyai mahaga je Runjan Riwut

Eweh sundau tatau basewut

Sandik Karuhei penyang sambalut.

55. Batulak tinai Banama manuju

Tarusan Bulau je Sangkalemu

Panamuei Banama te paham laju

Tapuk Tasik Mandalan Raja Telu.

56. Bukit Linda Bulan eka tende

Mantir lumpat je Rahan Dare

Raja Kameluh je uras tege

Uluh Danum Karimoi kampeleng hete.

57. Rata Mantir pandulang untung

Banama palus haguet bagulung

Bulau namburak tarusan nanturung

Tapuk tasik Gandang Ngarambang Duhung.

58. Banama dimpah dia bambilit

Nanturung Danum Mantining Langit

Gadung Gasa Balai Masigit

Upun Garing je Tungket Langit.

59. Panamuei Banama je jala-jalan

Murik Tarusan Garing Babasung Rujan

Palus tapuk Tasik Handaran

Hayak tende intu ije rahan.

60. Tulak Banama tinai jala-jalan

Limbah jadi maja ije rahan

Tame tinai ije tarusan

Palus tapuk Tasik Kaharingan.

61. Raja Telu, Tunggal Sangomang

Palus nanturung ije pahalendang

Batang Garing tau nganderang

Mangku Amat Sangen Nyai Jaya Sangiang

62. Uras jadi taluh ilaku

Batulak tinai ewen Raja Telu

Limbah manyundau je tingang tatu

Murik Batang Danum Marakunju.

63. Panamuei Banama je paham Panjang

Manyarahan Pantai Danum Sangiang

Mandulang Bulau Untung Aseng Panjang

Tapuk Tasik Jaleang Tingang.

64. Banama namuei jala-jalan kejau

Supun untung are inyundau

Benang Entang Kandarah Bulau

Tapuk Tasik je Pawah Bulau

65. Panamuei Banama je Panju-panjung

Telu Haramaung Pandulang untung

Mangat itah Tatau Manyambung

Palus tapuk Tasik Malambung.

66. Dimpah Tasik Malambung Bulau

Gitan pahalendang tuh ije pulau

Jamparan Banama dia mahalau

Tende palakuan kare panatau.

67. Haguet Banama tinai parantung

Tamuei Raja Telu paham Bagulung

Nyandar Batang Lunuk Bagantung

Tapuk Danum Nyalung Batengkung.

68. Raja Telu je Hakanduang

Banama Narusan je Salat Sawang

Danum Mendeng jete ingguang

Tende Bukit Bulau Kangantung Gandang.

69. Kangantung Gandang Sembang jadi

Raja Telu palus batatap biti

Mingat Kajayae sapire ije ati

Ewen Telu uras mandai.

70. Mendeng Raja Tunggal Sangomang

Lumpat Lewu Bukit Kangantung Gandang

Pakaian sukup je batun penyang

Duhung Hintan je intu kahang.

71. Pakaian uras i-hapan jadi

Raja Telu Haguet mandai

Tisin Bulau je Sinta Mani

Ie Mahapan aran Raja Putar Tiki.

72. Mangkepan Tisin je Sinta Mani

Kayu Erang Palus indai

Tamparan Samandiai te uras ati

Uka kare gawi uras tau manjadi.

73. Mendeng hayak je Raja Telu

Uras manalih je upun kayu

Erang Tingang Gambalang Nyahu

Tuntang Kayu Pampang Saribu.

74. Ampin Raja Tunggal Sangomang

Sembang Upun je Kayu Erang

Hete Raja mendeng manimang

Tempun gawi belum tatau sanang.

75. Timang Kayu Erang te sukup jadi

Janjin Hatalla i-ilalus i-awi

Pa-intih Hatalla ije mandai

Tikas Sangomang tuh ije biti.

76. Tungking Langit palus mandai

Kayu Erang katamparae ati

Batang Erang te puna sakti

Edae bungking te sapanjadi

77. Hete Sangomang mijen bajanda

Duhung inyitak hapa mambuka

Bungking ranggang te gite huma

Kameluh Bulau je Bawin Jatha.

78. Kamelun Bulan je Bawin Jatha

Kameluh anak Ranying Hatalla

Supun untung i-laku Raja

Nyalung Kaharingan induae kea.

79. Talagan Tuah lapekung rajaki

Uras imekat tuntang injawi

Kahimat mangat tau manjadi

Samandiai kahandak je kurik hai.

80. Taluh handiai te uras dinun

AmpinRaja Telu te handak muhun

Utus bibit tilap manurun

Tukep Sembang je baner upun.

81. Uras muhun jadi je Raja Telu

Bara Kayu Gambalang nyahu

Pusaka baguna je uras dinu

Kaharingan Belum Penyang Sangkalemu.

82. Raja Telu je hakanduang

Limbah mandai hapantar pinang

Manyundau Raja je Angking Penyang

Tuntang Kameluh Putir Selung Tamanang.

83. Raja Angking Penyang Eka Balaku

Sapire bewei taluh ije tau

Supun Untung Bulau Sangkalemu

Kare tangkalasan je bunu hantu.

84. Kangantung Gandang te sukup gawi

Raja Mantir mendeng nanjuri

Hakaliling lewu sapire ije ati

Raja-Kameluh pire-pire biti.

85. Kangantung Gandang sukup gawi

i-lalus awi Raja telu biti

Mampandui Salumpuk Sapire ati

Mangat Batuah belum marajaki.

86. Tulak Banama bara lewu bukit

Jarat i-engkak palatar injijit

Supun untung uras i-imbit

Danum Mendeng Ngatimbung Langit.

87. Panamuei Banama dia kejau

Tapuk danum banyahu bulau

Hetuh are taluh inyundau

Kayun Penyang karuhei tatau.

88. Ayun Balai Sarin Kambungan

Mangat tau uras katawan

Panamuei Banama Murik Jalayan

Mimbit Salumpuk Entang bakawan.

89. Labehu handalem riam hatuntung

Banama tapuk Sarigadung Untung

Tende manjala je lauk untung

Itah Kumae tatau manyambung

90. Haguet Banama murik haratean

Ungkup Sawang sapire ije gitan

Raja Telu namuei kabajuran

Bukit Tunjung eka tujuan.

91. Bukit Tunjung Sembang jadi

Tende ungkup Sawang tempun gawi

Uluh are panggil barami

Banama bajarat imeteng tali.

92. Hetuh Banama ba-ungkar puat

Lakang Buku impalumpat

Indang Salangking Apang Salamat

Bagawi karas atei bahimat.

93. Rata umbet gawi-gawian

Masak uras bari panginan

Panggil are biti bakuyan

Rata ewen nyurung –ngantihan.

94. Limbah ngantihan hapantar pinang

Sama ngantung tulang batekang

Raja Telu je hakanduang

Ewen mimbul je Batang Sawang.

95. Ewen mempendeng je batang Sawang

Bawi Sandah je nangkasiang

Kayun karuhei akan karambang

Sirat bulat je hakalingkang.

96. Sadia jadi gawin karambang

Telu raja te mendeng Mangkang

Batang Sawang palus inimang

Tempun gawin je tatau sanang.

97. Gawi uras jadi sadia

Upun Sawang jadi inata

Nyalung kaharingan i-nanjuri kea

Panengan awi Ranying Hatalla.

98. Limbah jite panggil bakarak

Buli ekae tintun kahandak

Kilau ampin ampah bakarak

Banama Tingang handak batulak.

99. Banama masuh Danum Banyahu

Manyururui ampin jala je helu,

Supun untung are i-laku

Inanjuri kareh amun Sembang lewu.

100. Pambuli Banama paham bagulung

Tapuk Tumbang Panjungan Manjung

Palus masuh tinai je parantung

Tilap ambun lepah i-nanjung.

101. Panamuei randah Banama buli

Sembang eka uluh tempun gawi

Palatar i-uluh injarat tali

Tatambat hila lawin kamburi.

102. Banama Tingang je jadi dumah

Mimbit untung rajaki tuah

Karuhei tatau penyang Panyampah

Tampalawei andau je durut sawah.

103. Andau sawah tarang balawa

Kare gawi tinai nampara

Rangkan panginan uras impalua

Bara Balai Lambang Palangka

104. Matan andau jadi gantung

Raja nanjuri je supun untung

Kayu Karuhei penyang hatampung

Bara ngambu Tasik Malambung.

105. Panginan jadi uras sadia

Piring saling uras impalua

Bangkusan timpung uras i-riksa

Bungkar puat Randung Banama.

106. Bungkar puat Banama Tingang

Behas tambak labien gantang

Bulau singah manyurung timbang

Depen Uei hanjuju gawang.

107. Raja Telu ewen Hakanduang

Mameteng manas nelun lamiang

Jamban Karuhei je untung Panjang

Panyalembang untek tuntang panarang.

108. Buwur hambaruan rata jadi

I-hantuk i-malas hayak inyaki

Hampatung tuah tuntang rajaki

Sahapus hakekat je niat gawi.

109. Palempang jalan tikas tuh helu

Hajamban riwut bahing kandayu

Insanan awi je Raja Uju

Akan panungkupje Raja Bunu.

110. Kalutuh auh jalan malempang

Nyarita tamuei Banama Tingang

Ngaragan Raja Tungal Sangomang

Nanturung Batang Kayu Erang Tingang.

111. Mangat itah rata katawan

Tamuei Banama murik jalayan

Jalanae balaku Nyalung Kaharingan

Kayun Penyang Karuhei Pasihan.

112. Uras sukup taluh indinu

Awi Raja te ewen telu

Lepah i-nanjuri amun Sembang lewu

Kayun panatau je Sangkalemu.

113. Auh malempang kalutuh bewei

Kahanjak huang narui parawei

Kakare auh keleh i-nyimpei

I-haga i-rima je huang atei.

114. Jalan malempang je tende helu

Tende kea riwut Kandayu

Mahapa Kandayu rawei balemu

Basarah akan Hatalla Nagambu.

KANDAYU  PARAWEI

1. Nyahu hai paham bataling

Marawei utus uluh kaliling

Kilau pahiu suling garinding

Nasa kaharingan je Balai Mihing.

2. Kilat Panjang nyahu batengkung

Nyahu marawei utus bagulung

Tegah i-uap je gadung untung

Dimpah rahusan Tasik Malambung.

3. Batengkung hiau je nyahu hai

Marawei utus dia suali

Murik Tarusan Nyalung nantiri

Manyupa tamparae tuh itah ati.

4. Metuh kaput je dia gitan

Hatalla manyewut auh katamparan

Hamauh manyewut Intan Kaharingan

Kaput hapisah palus sabahan.

5. Langit Petak jadi balawa

Ulun Kalunen jadi inampa

Taluh handiai saraba injapa

Kalute sulak gawin Hatlla.

6. Peteh mandehen Ranying Hatalla

Umba kalunen ije i-nampa

Nyuang petak nguntep dunia

Ela manggawi taluh je papa.

7. Nyahu hai ayun hakumbang

Hanyak kilat je paham panjang

Bara Bukit Kangantung Gandang

Balua tahanjungan je kayu Erang.

8. Nyahu hai kilat balawa

Auh peteh Ranying Hatalla

Kaharingan tetep dehen i-haga

Nyamah petak langit i-naheta.

9. Auh Nyahu kilat batantu

Manyururui tamparan taluh je helu

Inyaksi indehen awi Raja Uju

Kaharingan marawei dia balemu.

10. Nyahu hai kilat hajanjala

Jamban peteh Ranying Hatalla

Mamparendeng itah je ela laya

Kaharingan jite jalan balawa.

11. Kilat panjang nyahu hakumbang

Balua Bukit Nganderang Tingang

Raja Uju ewen hakandung

Kaharingan nyarurui je ela layang.

12. Ujan labat kilat hanyahu

Kaharingan jalan tanduhan helu

Peteh Hatalla dia Balemu

Marawei utus je Raja Bunu.

13. Kilat Panjang Nyahu ngaruntung

Riwut marawei penyang Hatampung

Sama mananggar je gadung untung

Uka itah tataun manyambung.

14. Kalute kapaham auh parawei

Balaku Penyang je hinje simpei

Inyimpei dehen je huang atei

Murik Tarusan Balawang karuhei.

15. Auh palempang baguna tutu

Akan utus je Raja Bunu

Tutuh Kameluh Balimut Batu

Peteh muhun je bara ngambu.

16. Auh parawei tikas tuh helu

Hajamban riwut Rawei Kandayu

Manyarurui peteh Hatalla ngambu

Pajanjuri Pasebab Hulu Banyahu.

17. Ampin pasin Ranying Hatalla

Akan itah sahapus dunia

Balai Kaharingan tege inampa

Jamban manyimpei peteh Hatalla.

KANDAYU  MAMBUWUR BEHAS  HAMBARUAN

1. Ujan-ujan aseng panjang

Sambalut simpei bambang penyang

Mandehen bulau untung panjang

Mamburak rabia nyaman tunyang.

2. Nasaki dahan manuk darung tingang

Batambang untung aseng panjang

Bereng barigas belum tatau sanang

Batarung pulu lampang hagatang.

3. Mamantis Nyalung Kaharingan

Akan entang tingang mangawan

Utus Raja Bunu te huran

Manyelem behas hambaruan.

4. Nanjuri-ku Bangkang haselan tingang

Batu Junjun karepurun entang

Malisen bara peres panganduang

Sama rata ba-umur panjang.

5. Kuruk bulau hambaruan

Sambalut Nyalung Kaharingan

Balasang Kandayu iye nyawanan

Tumun peteh tingang tatau huran.

6. Sama Kanuah anak jatha lampang

Manasa pandung je balau panjang

Hajamban kandayu je kayu Erang

Nanjakku bukit uju-hanya hejenjang.

7. Nutuh bulau pungkal raja

Hajamban peteh Ranying Hatalla

Bawi Hatue bakas tabela

Kurik hai dia imbeda.

    

PENJELASAN  ALAT  BASARAH

1. SANGKU.

Sangku, biasanya digunakan pada upacara keagamaan, lebih-lebih pada upacara Basarah. Dalam bahasa Sangiang disebut dengan nama “ Sangku Tambak Raja “ Saparanggun dalam Kangatil Bawak Lamiang, dengan istilah atau nama tersebut, berarti Sangku telah dilengkapi dengan alat-alat upacara Basarah.

Dalam upacara Basarah, Sangku Tambak Raja ditempatkan di atas meja kecil Sangku di letakkn di atas kain yang bersih, yang berwarna-warni, selain warna hitam.

Sangku Tambak Raja merupakan perwujudan dari seluruh kemahakuasaan Ranying Hatalla Langit sebagai simbolis penyatuan bathin umat yang melaksanakan Basarah kehadapan Ranying Hatalla Langit, oleh karena Sangku Tambak Raja selalu ditempatkan di tengah-tengah tempat Basarah.

2. BERAS.

Dalam bahasa Sangiang, Behas (beras) disebut dengan nama  “ Behas Manyangen  Tingang “ pemakaian bahasa berdasarkan methologi Agama Hindu Kaharingan bahwa pada masa penciptaan alam semesta, Ranying Hatalla Langi menciptakan beras untuk menjaga kelangsungan kehidupan Raja Bunu yang menjadi asal mula umat manusia di dunia ini dan kelangsungan hubungan dengan Ranying Hatalla Langit. Dan mithologi tersebut umat Hindu Kaharingan yang merupakan keturunan Raja Bunu menyakini bahwa di dalam beras itu terkandung kekuasaan Ranying Hatalla Langit sehingga dapat menjadi sarana yang menghubungkan manusia dengan Ranying Hatalla Langit. Hal ini terbukti bahwa penggunaannya dalam ayat suci Manawur yang berbunyi “ Balang Bitim Jadi Isi, Hampuli Balitam Jadi Daha, Dia Balang Bitim Injamku akan Duhung Luang Rawei Pantai Danum Kalunen, Isen Hampuli Balitam Bunu Bamban Panyaruhan Tisui Luwuk Kampungan Bunu”, yang atyinya : Behas Manyangen Tingang adalah bukan saja sebagai kelangsungan hidup manusia, ia juga sebagai perantara antar manusia dengan Yang Maha Kuasa Ranying Hatalla Langit serta sebagai perantara pula antara manusia dengan para leluhur.

3. BULU EKOR TINGANG

Dalam bahasa Sangiang, Bulu Ekor Tingang disebut “ DANDANG TINGANG” yang menurut methologi Agama Hindu Kaharingan, bahwa Burung Tingang adalah salah satu yang merupakan penciptaan Ranying Hatalla Langit melalui perubahan wujud Luhing Pantung Tingang yang terlepas dan kejadian dengan keberadaan Nyalung Kaharingan Belum (air suci kehidupan) pada saat Raja Bunu menerimanya, Ranying Hatalla Langit yang kemudian berubah wujud menjadi seekor Burung Tingang yang disebut dalam bahasa Sangiang, Tingang Rangga Bapantung Nyahu”, yang menempati sebuag pohon beringin besar yang disebut pula dalam bahasa Sangiang “ Lunuk Jayang Tingang, Baringen Sempeng Tulang Tambarirang”.

Mithologi tersebut terjadi di Lewu Batu Nindan Tarung, Rundung Kereng Liang Bantilung Nyaring yaitu suatu tempat di alam atas atau di tasik Rampang Matan Andau. Oleh karena itu didalam berbagai upacara selalu digunakan dari upacara yang paling kecil samapai kepada tingkat upacara yang besar. Didalam pelaksanaan Upacara Basarah, Burung Tingang tersebut dilambangkan dengan Dandang Tingang. Selain hal sebagaimana kami kemukan diatas tentang Dandang Tingang, juga memiliki khas tersendiri yaitu berupa warna hitam yang memisahkan warna putih menjadi dua bagian yaitu : Warna putih diatas, warna hitam di tengah dan bagian bawah berwarna putih pula. Cirri khas ini tidak terdapat pada bulu burung lainnya. Dilihat dari Filsafat keagamaan Hindu Kaharingan sendiri warna Dandang Tingang tersebut mengandun arti simbolis yaitu :

a. Warna Putih dibagian atas, berarti alam kekuasaan Ranying Hatalla Langit (Tuhan Yang Maha Kuasa). Ia Yang Maha Suci.

b. Warna Hitam ditengah, berarti alam kehidupan manusia di dunia ini yang penuh dengan pertentangan antara kebenaran dengan ketidak benaran.

c.  Warna Putih dibagian bawah berarti kesucian yang di dapat / dicapai melalui usaha individu melawan ketidak benaran yang pada saatnya, bila dihubungkan dengan upacara keagamaan yaitu sampai kepada upacara Tiwah (rukun kematian terakhir).

4. SIPA (GILING PINANG) DAN RUKUN (TARAHAN)

Sipa, yang disebut dalam bahasa Sangiang “Giling Pinng”, yang terdiri dari daun sirih, kapur, buah pinang dan tembakau, cara membuatnya yaitu daun sirih diolesi dengan kapur sirih, kemudian di lipat membundar sehingga membentuk kerucut sebesar ibu jari tangan

Kemudian di isi dengan belahan buah pinang dan tembakau.

Ruku yang disebut dalam bahasa asing “Rukun Tarahan” yaitu rokok yang terbuat dari daun nipah yang disebut rokok pusuk dan ini dapat diganti dengan rokok biasa.

Penggunaan kedua saranan ini dilatar belakangi oleh mithologi dalam Agama Hindu Kaharingan yang menyebutkan pada saat penciptaan alam semesta, ia melambangkan kekuatan dan kekuasaan Ranying Hatalla Langit yang Maha Sempurna untuk pertama kali dalam penciptaannya yaitu Manyamei Tunggal Garing Jajahunan Laut, Sahawung Tangkuran Hariran dengan Kameluh Putak Bulau Janjulen Karangan Limut Batu Kamasan Tambun, yang berubah wujudnya atas kehendak Ranying Hatalla Langit menjadi Mangku Amat Sangen dan Nyai Jaya Sangiangpada suatu ketika tat kala ia mengobati Raja Pampulau Hawun. Saat itulah Mangku Amat Sangen dan Nyai Jaya Sangiang mengalami perubahan wujud menjadi beberapa benda seperti misalnya Biji matanya menyatu pada buah pinang, daun telinganya menyatu pada daun sirih Jarenang dan otaknya menyatu menjadi kapur sirih, sehingga Gilingan Pinang dan Rukun Tarahan yang digunakan dalam pelaksanaan upacara-upacara Agama Hindu Kaharingan termasuk upacara Basarah, biasanya dibuat masing-masing tiga. Lima dan tujuh buah. Jika Gilingan Pinang dibuat tujuh buah maka Rukun Tarahan juga harus berjumlah tujuh pucuk dan seterusnya. Jumlah ini mencerminkan maksud dari upacara yang diinginkan dengan penggunaan Gilingan Pinang dan Rukun Tarahan inilah kita memohon persaksian dari Ranying Hatalla Langit, melalui leluhur atau Tingang Tatatu Manyamei Tunggal Garing Janjuhan Laut, Sahawung Tangkuranan Hariran Dan Kameluh Putak Bulau Janjulen Karangan Limut Batu Kamasan Tambun.

5. DUIT  SINGAH  HAMBARUAN

Duit Singah Hambaruan dalam bahasa Sangiang disebut Bulau Pungkal Raja, yaitu mata uang yang digunakan sebagai alat tukar yang sah, uang digunakan pada upacara hendaknya mata uang logam perak, akan tetapi lebih baik lagi kalau singah sangku itu memakai Emas dan yang dimaksudkan dengan duit singah sangku (bulau pungkal raja) yaitu uang atau logam yang akan memancarkan sinar terang secara rohaniah, sehingga persembahan dimaksud akan tampak jelas kehadapan Raying Hatalla Langit dan para leluhur, serta dengan uang tersebut pula berfungsu sebagai pelengkap atas kekurangan alat-alat upacara, seandainya secara dengan tidak sengaja ada yang tertinggal dalam persembahan suci.

6. BEHAS HAMBARUAN

Behas Hambaruan adalah beras yang dipilih dari beras biasa yang bersih bening dan tidak sedikitpun cacat dengan jumlah 7 (tujuh) biji beras dan beras yang sudah dipilih tersebut dibungkus memakai kain putih atau kain yang berwarna-warni selain warna hitam dan inilah yang disebut “ Behas Hambaruan “ dan ditempatkan didalam dan ditengah-tengah Sangku Tambak Raja berdampingan dengan Dandang Tingang dengan maksud bahwa Behas Hambaruan tersebut sebagai pelambang wujud Raja Uju Hakanduang, Kanaruhan Hanya Basakati yang merupakan kekuatan dan kekuasaan Ranying Hatalla Langit melalui perwujudan-Nya yang pada akhir upacara langsung diberi / diterima oleh peserta upacara.

7. UNDUS TANAK

Undus Tanak dalam bahasa Sangiang disebut “ Minyak Bangkang Haselan Tingang, Uring Katilambung Nyahu “ yaitu minyak kelapa yang terbaik atau disebut Undus Tanak dibuat dari buah kelapa biasa dan dalam agama Hindu Kaharingan memiliki mithologi tersendiri yang disebut bahwa buah kelapa adalah penjelmaan dan penyatuan dari kepala Mangku Amat Sangen dan Nyai Jaya Sangiang, maka oleh karena itu buah kelapa dalam bahasa Sangiang disebut : buah Katilambung Nyahu”. Dengan demikian berarti Undus Tanak adalah suci sehingga dapat digunakan untuk sarana upacara keagamaan termasuk Basarah yang juga didasarkan pula pada hakekat minyak yang licin dan terasa hangat, sehingga dapat melepaskan dan memperbaiki sesuatu yang kusut dalam diri manusia dan kehangatan minyak itu dapat juga menghangati iman manusia terhadap Ranying Hatalla Langit serta segala sesuatu yang diolesi minyak akan terlihat bersih dan mengkilat seakan-akan bersinar, begitu pula harapan kita semoga Ranying Hatalla Langit memberikan sinar suci-Nya kepada kita.

8. TAMPUNG  TAWAR

Tampung Tawar yaitu terbuat dari daun kelapa muda yang dianyam sedemikian rupa yang digunakan untuk memercikan air suci (air yang disucikan) pada upacara Agama Hindu Kaharingan dan air yang disucikan itu sebagai symbol dari Nyalung Kaharingan (air suci kehidupan) yang pada akhir upacara Basarah (persembahyangan) bersamaan dengan pelaksanaan mambuwur behas hambaruan juga dipercikan kepada semua peserta upacara Basarah. Dengan pengertian bahwa selesai melaksanakan Basarah selayaknya menerima anugrah dari Ranying Hatalla Langit dan sebaliknya segala sesuatu yang sifatnya jahat, baik pikiran maupun perasaan dapat di netralisir oleh kesucian air suci kehidupan tersebut.

9.  PARAPEN GARU / MANYAN

Kata Parapen berarti per-apian yang berasal dari kata api, keberadaan api dalam upacara Agama Hindu Kaharingan dapat diwujudkan dalam bentuk lampu, api dalam bentuk bara-api yang ditaruh pada suatu tempat tertentu dan kegunaan Parapen pada upacara-upacara keagamaan adalah sebagai tempat membakar Garu / manyan yang merupakan sarana untuk mengiringi pengucapan mantra, misalnya pengucapan mantra menggaru Sangku Tambak Raja pada saat upacara Basarah. Asap Garu / manyan yang membumbung tinggi itu dapat menumbuhkan ketenangan pikiran dan perasaan sehingga dapat memudahkan bagi seseorang untuk memusatkan pikirannya menuju Ranying Hatalla Langit dengan demikian hendaknya bara-api pada Parapen jangan sampai padam selama persembahyangan (basarah) berlangsung.

10. BENANG  LAPIK  SANGKU

Benang berarti kain, lapik berarti alas, Sangku adalah Sangku. Benang Lapik Sangku adalah kain yang digunakan menjadi alas dimana Sangku Tambak Raja ditempatkan. Kain yang digunakan untuk alat Sangku, selain kain kuning atau putih, boleh pula kain yang berwarna-warni, selain warna hitam. Kain melambangkan keindahan yang didalam mithologi Hindu Kaharingan bukan saja keindahan alam semesta akan tetapi juga kaindahan dari kesucian dan kemahakuasaan Ranying Hatalla Langit itu sendiri dan oleh karena itu pada semua upacara keagamaan Hindu Kaharingan, kain harus selalu ada walaupun hanya sedikit.

11. TANTELUH  MANUK

Tanteluh Manuk dalam bahasa Sangiang disebut Tanteluh Manuk Darung Tingang yang digunakan pada upacara keagamaan Hindu Kaharingan dan caranya dipilih telor ayam kampong yang baik. Pada upacara Basarah telor diletakan berdampingan dengan Dandand Tingang yaitu di tengah-tengah Sangku Tambak Raja, setelah berakhir upacara Basarah telor tersebut diambil cairannya dan dioleskan pada kedua tulang selangka serta dioleskan pula pada dahi dan diterima oleh seluruh peserta upacara Basarah. Maksudnya dengan telor yang telah disucikan itu untuk mensucikan jasmani dan rohani serta menetralisir hal-hal yang tidak baik dari hati nurani dan pikiran manusia. Fungsi telor ayam ini sama dengan fungsi darah ayam pada saat upacara, dioleskan pada peserta upacara Basarah dan selain maksud sebagai mana tersebut diatas, telor ayam / darah ayam bertujuan untuk dapat memberikan sinar terang bagi mereka yang telah mendapatkan olesan terhadap sinar suci Ranying Hatalla Langit (Tuhan Yang Maha Esa).

12. KAMBANG

Dalam setiap persembahyangan (basarah) atau upacara ritual lainnya Kambang (bunga) juga selalu digunakan pada upacara Basarah, Kambang atau Bunga selalu ditempatkan diatas Sangku Tambak Raja, laksana bunga yan harum dan baik juga akan menerima anugrah yang baik dari Ranying Hatalla Langit dan pada akhir upacara Basarah, bunga tersebut dicampur kedalam air Tampung Tawar dan dipercikan keseluruh peserta upacara Basarah. Bunga yang digunakan untuk melaksanakan upacara Basarah hendaknya dipilih yang berwarna merah putuh dan kuning. Bunga warna merah melambangkan Raja Tunggal Sangomang yaitu manifestasi Ranying Hatalla Langit dalam penciptaan dan juga sekaligus lambing keberanian dalam membela kebenaran demi kedamaian hidup manusia, sedangkan bunga warna putih melambangkan ketulusan dan kesucian hati, kemudian bunga yang berwarna kuning melambangkan kekuasaan Ranying Hatalla Langit dalam memelihara ciptaannya yang selain itu pula bunga yang berwarna kuningjuga melambangkan keteguhan hati yang sungguh-sungguh dalam melaksanakan setiap pekerjaan yang baik dan tidak mengikat diri pada hasilnya.

PENJELASAN  KANDAYU  BASARAH

Kandayu adalah nyanyian suci Umat Hindu Kaharingan yang di nyayikan secara bersama pada saat melakukan upacara persembahyangan / Basarah.

a.  KANDAYU  MANYARAH  SANGKU  TAMBAK  RAJA

Kandayu ini berisikan ungkapan tentang maksud dan tujuan upacara persembahyangan Basarah, dengan maksud menyerahkan persembahan suci Sangku Tambak Raja beserta segala isinya kepada Ranying Hatalla Langit melalui persembahyangan Basarah. Kemudian kita memohon kepada Ranying Hatalla Langit agar dapat memeberikan sinar suci kekuatan-Nya bagi kehidupan manusia agar dapat menjalani kehidupanini senantiasa mendapat bimbingan dalam berpikir yang baik, berkata yang benar serta berbuat yang baik pula.

b.  KANDAYU  MANTANG  KAYU ERANG

Kandayu Mantang Kayu Erang dinyayikan setelah pandehen, Pandehen yaiyu penyampaian penjelasan ayat-ayat suci Panaturan oleh Rohaniawan. Isi Kandayu Mantang Kayu Erang ini, menjeritakan tentang perjalanan Banama Tingang Mandulang Bulau Untung Aseng Panjang pada saat Balian Balaku Untung. Didalam melaksanakan upacara Balian Balaku Untung kita akan mendengarkan perjalanan Banama Tingang yang dibawa oleh Raja Telu Hakanduang yaitu Raja Tunggal Sangomang, Raja Mantir Mama Luhing Bungai dan Raja Linga Rawing Tempu Telun mendapatkan anugrah dan berkat dari Ranying Hatalla Langit beserta seluruh manifestasinya, agar manusia didalam kehidupannya selalu mendapat rejeki, umur panjang, sehat sejahtera dalam menjalani kehidupan didunia ini dan hakekat ini pula yang diambil dalam pelaksanaan Basarah bagi umat Hindu Kaharingan.

c.  KANDAYU  PARAWEI

Kandayu Parawei, dinyayikan sebelum do’a penutup Basarah yang isinya adalah mengandung ungkapan rasa syukur dan terimakasih Umat Hindu Kaharingan atas penciptaan alam semesta ini dengan segala isinya. Kandayu ini bertujuan agar Umat Hindu Kaharingan selalu dapat memelihara keseimbangan kehidupandengan alam semesta dengan berbuat baik sehingga hakekat yang ingin dicapai, yaitu kedamaian yang abadi dapat terwujud dengan sempurna.

d.  KANDAYU  MEMBUWUR  BEHAS  HAMBARUAN

Kandayu membuwur behas hambaruan dinyayikan untuk mengiringi petugas untuk menempatkan Behas Hambaruan kepada semua peserta Basarah, mengoleskan telor ayam dan meneteskan undus serta memercikan Tampung Tawar. Bersamaan dengan itu pula peserta upacara Basarah menerima anugrah dari Ranying Hatalla Langit yang telah dimohon dalam pelaksanaan Basarah (persembahyangan). Kandayu ini terdiri dari tujuh bait yang disesuikan dengan jumlah Behas Hambaruan dalam satu bungkusan yaitu berjumlah tujuh biji. Dengan maksud sesui pula dengan manifestasi Ranying Hatalla Langit yang disebut Raja Uju Hakanduang, Kanaruhan Hanya Basakati untuk menyampaikan anugrah kepada seluruh peserta upacara Basarah. Kandayu ini dapat diulang-ulang sesui keperluan sampai selesai pelaksanaan Membuwur Behas Hambaruan. Lirtik Kandayu Membuwur Behas Hambaruan ini berisikan harapan do’a yang telah di anugrahi oleh Ranying Hatalla Langit dapat menyatu dan berguna didalam kehidupan kita sehari-hari dan oleh sebab itu hendaknya di ikuti dengan sungguh-sungguh dan hikmat.